12.11.2021жылы 5-6 сынып оқушылары арасында жалпы білім беретін пәндер бойынша Республикалық олимпиадасының мектепішілік кезеңі өткізілді. Барлығы- 82 оқушы қатысты. 1-орын 16 оқушы; 2-орын 24 оқушы; 3-орын 36 оқушы. Қорытындысы бойынша 1-орын иеленген оқушылар аудандық кезеңге жолдама алды.

 

2021жылдың 12 қараша күні ұлы ағартушы-педагог Ыбырай Алтынсариннің 180 жылдығына орай "Мен Ыбырайдың жалғасымын" атты аудандық педагогикалық оқуында мектебіміздің қазақ тілі мен әдебиеті пәнінің мұғалімі Нурмухамбетова Алия Мұратхановна 1- орынды иеленді.

1.11.2021ж. "Жас маман мен тәлімгер мектебі" өз жұмысын жалғастырып семинар-практикум өткізді. Тәлімгерлер және жас мамандармен мектеп психологі Шопанова Ж., сондай-ақ, аудандық Жастар ресурстық орталығының психологі Оспан Арай әр түрлі мотивациялық тренингтер өткізіп, тың идеялардың туындауына шабыт берді.

2021 жылдың 6 қазанында «Бала құқығы-адам құқығы» тақырыбындағы айлықтың іс-шара жоспарына сәйкес Zoom платформасы арқылы 8-11 сынып оқушыларына „Заң және жасөсіпірім“, „Қоғам, заң және жаза“, „Қылмыс пен құқықбұзушылық, құқық қорғау органдары“ тақырыптарында Аудандық прокуратура қызметкерімен дәріс оқылып, видео көрсетілді.

 

2021 жылдың 29 қазанында 4 «Б» сынып жетекшісі Ауданбекова Назым Жайлаубаевна оқушыларымен «Даланың дара ұстазы» атты Ыбырай Алтынсариннің 180 жылдығына арналған сынып сағаты өтті. Мақсаты: Алғашқы ұстаз, ұлы ағартушы Ыбырай Алтынсариннің өмірімен, шығармаларымен оқушыларды таныстыру. Ыбырай Алтынсариннің әңгімелері арқылы оқушыларды имандылыққа, адамгершілікке, еңбекқорлыққа тәрбиелеу. Ұлы тарихи тұлғаны есте сақтауға, құрмет тұтуға, үлгі алуға тәрбиелеу

2021 жылдың 19 қазанында 1-11 сыныптарға «Кдоманасы – Дина Нұрпейісова» тақырыбында сынып сағаты өтті. Мақсаты: Халық композиторы Дина Нұрпейісова туралы толық мәлімет алу, өлеңдер оқу, күйді тыңдату арқылы балалардың эстетикалық талғамын ояту, шығу тарихын әңгімелеу.

2021 жылдың 12 қазанында 1 және 5 сыныптарға «Шаттық шеңбер», «Дос болайық» тақырыбында сынып сағаты өтті. Мақсаты: Оқушылармен топта жұмыс жүргізіп, жағымды ахуал орнату, қарым-қатынастың белсенді стилін және кері байланыс немесе алу тәсілдерін меңгеру, 1 және 5 сынып оқушыларымен бейімделу бойынша жұмыс жасау.